Læreverket Bedriftsøkonomi 1 høyrer til ein læremiddelpakke som saman med Bedriftsøkonomi 2 dekkjer studieretningsfaget bedriftsøkonomi (5 + 5 timar) på studieretninga for allmenne, økonomiske og administrative fag i den vidaregåande skolen. Denne læreboka er ein del av læreverket i femtimarskurset bedriftsøkonomi 1 på vidaregåande kurs 1. Bedriftsøkonomi 1 omfattar i tillegg ei arbeidsbok, økonomiske modellar (ligg føre både i Excel og Calc) og ei lærarrettleiing. Kunnskap i bedriftsøkonomi og økonomistyring er ein viktig og verdifull bakgrunn nesten same kva for yrke du vel. Faget gir ei grunnleggjande innsikt i økonomiske problemstillingar og høyrer naturleg med til ei allmennutdanning. Bedriftsøkonomi 1 inneheld smakebitar frå mange område av bedriftsøkonomien og gir eit godt grunnlag for å velje ulike spesialretningar på fagområdet. Læreboka er à jour med aktuelle lover, avgiftssatsar osv. per april 2005.