Bøkene i Fagbokforlaget sin livsmeistringsserie fortel historier om vonde opplevingar og tilstandar - ting det er vanskeleg å innrømme, setje ord på og å snakke om. Dette er også historier som mange born og unge vil kjenne seg igjen i. Bruk bøkene til å setje ord på di historie. Historiene finst som digitale bøker med innlesen tekst på heimesida til Lesedilla, det digitale lesebiblioteket frå Fagbokforlaget. DET SVARTE TEPPET hendinga kastar det svarte teppet mot guten dekkjer han fullstendig kveler han nesten det svarte teppet tek bort alt som var på ein augneblink ingenting kan nokon gong bli det same DET SVARTE TEPPET er ei historie om sorg og død. Om hendingar som gjer det vanskeleg å puste, sove og leve. Ei historie om altoppslukande sorg. Om å føle at sorga alltid vil dekkje deg. Kjenner du deg att eller veit om nokon som ikkje har det bra? Vil du snakke meir om dette temaet? Vis boka til ein du stoler på. Ikkje gi deg før nokon vil snakke med deg eller hjelper deg. DET SVARTE TEPPET er ei bok i Fagbokforlagets livsmeistringsserie.