Om boka «Sauda sjukehus 1917 – 1999»
Dette er historia om eit sjukehus som vart utvikla og drive i nært sampel med lokalsamfunnet gjennom eit tidsrom på over 80 år. Me får høyra om korleis ivrige fagfolk nytta oppdatert kunnskap og ny teknologi for å møta dei medisinske utfordringane i ei lita bygd som utvikla seg til eit viktig industrisamfunn. Tangeraas har nytta eit mangfald av kjelder for både å trekkja dei store linene og å omtala viktige einskildhendingar. Forteljingane om sjukehuset i Sauda handlar ikkje berre om det som skjedde lokalt. Både oppbygginga og nedbygginga av sjukehuset speglar godt fagutviklinga og politikkutforminga i den norske helsetenesta gjennom 1900-talet. Boka er såleis ikkje berre eit minneskrift for lokalsamfunnet. Ho bør også få mange lesarar langt utanfor Ryfylke og Rogaland.

- Professor Geir Sverre Braut, Privat