Denne boka fortel om den meir enn tjue år lange vassdragskampen. Den fortel om utbyggingsplanen frå 1972 og seinare revideringar, om kommune- og fylkespolitikarane der fleirtalet ivra for utbygging, om Informasjonskomiteen for Gaularvassdraget, vernegruppa som fekk 7000 medlemer. Vi får også høyre om dei fire miljøvernministrane som var på synfaring, om det sterke engasjementet og dei kvasse orda som vart brukt på begge sider, om dei interne dragkampane i regjeringane til både Kåre Willoch og Gro Harlem Brundtland, og om dei avgjerande hendingane som gjorde at Gaula vart varig verna.