Selje, heilt nordvest i Sogn og Fjordane, ligg i eit dramatisk kystlandskap med Stadhavet rett utanfor. Øya Selja har ein særskild plass i norsk kyrkjehistorie, særleg knytt til Sankta Sunniva, som var den første norske helgen. På Selja låg fleire av dei eldste norske kyrkjene, her låg det første bispesetet på Vestlandet, og Selja kloster vart etablert her rundt år 1100. Selje prestegard vart flytta til fastlandet etter reformasjonen. Prestane har hatt stor innverknad på lokalsamfunnet, t.d. skulevesen, fattigvesen og landbruk. Presten Claus Frimann og målaren Bernt Tunold var fødde på prestegarden. I 2015 opphøyrer buplikta for prestar i Den norske kyrkja. Dette vil gje store fylgjer for forvaltinga av prestegardane. Dette er siste boka i ein serie på fem om viktige prestegardar som Ovf har ansvaret for. Bøkene gjev ei god breidde i prestegardshistoria.