«Eg kan ingenting om Kina. Eg skal ikkje skrive om det eg kan, men om det som forundrar meg.» Dette seier Kjartan Fløgstad om bokprosjektet sitt når han drar til Kina. Og dette er det han gjer i Shanghai Ekspress. Fløgstad møter Kina open og forundra og observerer leikande og lærd. Lærdommen er ikkje kinesisk, men europeisk, og det blottstiller han ope. Vegen går til byar som Shanghai, Hongkong, Chengdu og Macao; regionane Fujian og Guangdong. Landskapet er nytt, men teksten er umiskjenneleg fløgstadsk. Dei store spørsmåla Fløgstad har arbeidd med om modernisering og epokeskifte, er bokstaveleg talt raude trådar gjennom teksten. Shanghai Ekspress er ei rik og storarta essayistisk reisebok. «Fløgstad gir en glimrende innføring i kinesisk populærkultur til tross for at han 'ikkje har peiling' på Kina.» Ingunn Økland, Aftenposten