Øyvind Bjorvatn - spøkefugl og alvorsmann" er ei fyldig bok på 224 sider, der lesarane kan glede seg over heile 93 av kåseria "Fra hornet" i Agderposten. Boka inneheld også artiklar av Knut Frognes om lokalhistorieforteljaren, Salve Haugaas med intervju med ein spøkefugl og alvorsmann, søster Mari Stranden med helsing og lillebror Kjell Bjorvatn med dikt til storebror. Harald Langmyr skriv om historielagsarbeidet, Elisabeth Lindland om å vere elev av Øyvind Bjorvatn, Øyvind Thorsen om å "få sin plass påskrevet", Jens Vetland om stortingsrepresentanten, Nils Petter Vigerstøl om lokalavisvennen, Anne Tone Aanby om historikaren og inspirasjonskjelda, og Kjell Åsen om ungdomsvennen. Boka om og av Øyvind Bjorvatn er redigert av Jan Kløvstad.