Eirik blir sjalu når ein britisk soldat snakkar til kjærasten hans. Sjukepleiaren Vivi prøver å berge livet til Frank da han blir funnen halvt ihelfrosen ein søndagsmorgon midt på sommaren. Tommy er uroleg for kva dei små forandringane i Janne betyr. Annelin pussar opp sommarhuset og får besøk av ein framand. Øystein kjem heim frå FN-teneste i Libanon og føler at alle andre veit noko han ikkje veit. I Mørk bil bak vil nokon rive seg laus, mens andre strittar imot. Novellene handlar om folk som strevar med sjalusi, skuldkjensle, draumar og lengslar. Angela Hagen skriv lågmælt og variert om dei små tinga som betyr mykje i vanlege folks liv.