Allmennprevensjonen er ein svært sentral premiss både med tanke på eksistensen og utforminga av det norske strafferettsinstituttet. Gjennom historia har likevel den allmennpreventive tenkinga vore utsett for kritikk. Kritikken refererer seg til det forhold at den allmennpreventivt-motiverte straffa reduserer den enkelte til eit middel som det blir gjort bruk av for at flest mogleg andre i framtida skal lyde lova. Mykje kan tale for at den legitimeringa av allmennprevensjonen som norsk strafferett er basert på, er problematisk. I dette arbeidet blir det derfor gjort forsøk på å skissere ei alternativ tilnærming til denne typen spørsmål, ein tilnærmingsmåte som òg delvis blir søkt operasjonalisert i høve til det allmennpreventive omsynet. Jørn RT Jacobsen er universitetslektor ved Det juridiske fakultet i Bergen.