Husmannsjenta Margit Egilsdotter var ei vanleg jente. Det som er spesielt er at gjennom ulike kjelder, får vi vita uvanleg mykje om ho og familien hennar. Ho vart født i 1814 på plassen Krubba i Rauland. Gjennom livet hennar får vi glimt av historiske hendingar, uår og epidemiar. Vi fylgjer ho i dagleglivet i ei fjellbygd, med tradisjon, tru og folketru, i fest og arbeid. Margit gifte seg til Vermdeviki på Møsstrond. Det var eit hardt liv, som for så mange. Tidvis måtte ho ty til tigging og fattigkassa. Livet hennar fekk ein syrgjeleg slutt i 1886. Boka er rikt illustrert med kart og fotografi. Kunstnaren Wenche Øyen har laga eigne illustrasjonar for boka, blant anna til framsida. Sigrid Nordskog har lånt ut akvarellar.