Komponisten Fartein Valen (1887–1952) gjekk sine eigne vegar. Med sin atonale og polyfone stil braut han tydeleg med den nasjonalromantiske tradisjonen, og møtte både motstand og beundring. Glenn Gould kalla han a major figure in 20thcentury music, og Valens musikk har i dag ein varig plass i både norsk og internasjonal musikkhistorie.Jan Olav Gatland teiknar eit nært og nyansert portrett av komponisten og mennesket Valen, med nye innsikter som tidlegare har vore lite kjende. Boka viser korleis Valens skapande arbeid vart forma av ein sterk åndeleg søken og ein djupt personleg, kunstnarleg visjon.Gjennom tilgang til Valens brevsamling og andre arkivkjelder får vi eit unikt innblikk i korleis han henta inspirasjon frå litteraturen. Frå Michelangelo til Walt Whitman – og korleis kunstnarnettverket kring han, med Pauline Hall, Hugo Lous Mohr, Else Christie Kielland og Agnes Hiorth, påverka utviklinga hans.Jan Olav Gatland (f. 1949) har lang erfaring innan biografisk sakprosa. Han er pensjonert førstebibliotekar ved Universitetsbiblioteket i Bergen og har tidlegare gjeve ut biografiar om mellom andre Ola Raknes, Åsmund Sveen og Lars Berg.