Alle har sett seg inn i ein taxi, men det er ikkje alle som har sett seg inn i førarsetet. I denne elleville boka fortel komikarane Hans Morten Hansen og Terje Torkildsen artige historier frå åra dei jobba som taxisjåførar i stavangerområdet. Her finn du forteljingar om passasjerar og sjåførar, kyllingar og tullingar, vorspiel og nachspiel, utroskap og kameratskap. Kanskje er du ein av dei som sit i baksetet? Hans Morten Hansen (f. 1964) er ein av våre aller beste standupkomikarar, og har vunne komiprisen som beste standupartist i både 2010 og 2012. I august 2010 sette han også verdsrekord i standup etter eit show som varte i over 38 timar. Terje Torkildsen (f. 1971) er komikar, skodespelar og forfattar. Han er den einaste som har vunne Uprisen to gonger; for ungdomsromanane Marki Marco i 2009 og Dystopia III i 2012.